الزواج على الطريقه الفسبوكيه

[alaadino]

هو : حبيبتي ,, من الصبح و أنا بعمل لك ( نكز ) ليه مش بتردي
هي : كنت مشغولة و ( بشيّر ) مع صديقتي همسة
هو : بس أن شايفك عند كريم بتعملي ( لايك )
هي : لالالا ده طلع رخم قوي و أضطريت ( أبلّكه )
هو : طيب اعملي لي (ماسج ) عشان أحس أنك فاكراني
هي : ما أنا كل دقيقة أنزل لك يوتيوبات غرااام و انتقام

هو : طيب بابا بيكون موجود أمتى عشان أطلبك منه
هي : بابا بيفتح ( صفحته ) من 3 لـ 10
هو : طيب و ماما
هي : ماما مقيمة في ( جروب ) نساء صغيرات للأبد
هو : يعنى ممكن نعمل جلسة تعارف في (غرفة الدردشة)
هي : طبعا يا روحي .. بس هات معاك ( بوستر) شيك
و تكون مظبط الـ ( البروفيل) بتاعك عشان بابا أكيد حيدخل يشوفه
هو : مش تقلقي أنا كمان مجهز ( الأكونت )عشان لما يشوفه بابا يعمل لي ( لايك لايك لايك )
هى : طيب لو سألك عن السكن حتقول إيه ؟
هو : حقوله عندي ( مدونة ) قسمين و هوم .. موضة آخر حاجة
هي : جميل ,, بس خد بالك ماما بتاعة مظاهر يعنى لازم تعمل ( مناسبة ) كبيرة تعزم فيها كل ( الفريندز )
هو : طبعا يا روحي ,, أنا حعمل ( بارتي ) الفيس بوك كله يشيّره لمدة سنة
هي : ميرسي يا دودو
هو : أنا كمان عامل حسابي نقضي شهر العسل في ( المزرعة السعيدة )
هي : ايه ده .. مزرعة سعيدة ايه .. يااااي و دي في أي جروب
شكلك بخيل من أولها
هو : احنا حنلبخ مع بعض ,, دى صفحتك فيها مليون صديق و مش عايز أتكلم
هي : يا وحش و الله لأعمل لك ( ديليت ) من صفحتي للأبد
هو : و أنا رايح لهمسة صديقتك أطلب ( آد )
على الأقل باباها عنده موقع مش بيدج

[booody99]

هههههههههههه حلوه جدا
عقبال تويتر ههههههههههه
تقبل مروري

[يارات الحب]

ههههههههههه حلوة اووووي جميله جدااااااااا

[ساحرةالبشر]

هههههههههههههههه
حلوة قوي

[عاشقة الهدوء]

موضوع بجد ظريف جدا منك أخى أسعد الله قلبك

وحقا الفيس بوووك فيه أشياااء محزنه

ومخزيه سواء من الشباب والبنات والله أشياء

يبكى لها القلب لا العين أسال الله تعالى الهدايه

والآصلاح اللهم أمين موووفق أخى ربنا يبارك فيك


( تاااااابع للمسااابقه )